Deur Danie Jacobs

AGRI-PULSE – Sommige mense versamel seëls, horlosies, kuns of selfs olie- en melkkanne. Maar het jy al gehoor van ‘n trekkerversameling? 
Tweeling Jaco en Johann Gouws van Klerksdorp is bekend vir hul belangstelling in trekkers – Ferguson en Massey Ferguson trekkers spesifiek.

AGRIPULSE – RUSTENBURG - Die Ayam Cemani-ras het sy oorsprong in Indonesië, word as ‘n liggewig-, hardeveerras geklassifiseer, lê roomkleurige tot wit eiers en broei nie self nie. 
Die grootrashane weeg 1,8 tot 3kg, henne 1,2 tot 2,5kg, terwyl die jonghane maksimum 2,7kg en jonghenne maksimum  1,8kg weeg.
Ayam Cemani beteken swart hoender.

AGRI-PULSE – CULLINAN - Cullinan Boere-unie, die organiseerders van die jaarlikse Goliat van Gat-kompetisie, glo dat volgende jaar se wenpampoen ‘n een-tonner sal wees. As jy dus jou oog op die titel het, is dit nou die tyd om aan die werk te spring - die kweekseisoen vir volgende jaar se kompetisie is nou in volle swang. 2023 se wenpampoen was ‘n skamele 110kg minder as ‘n ton. Wykus Lamprecht, die kweker van die 890kg pampoenknewel, is ook tydens TLU SA se afgelope kongres vereer vir sy rekord-pampoen. “Ons is baie opgewonde oor die vooruitsig van nog ‘n rekord reusepampoen,” sê Henri Combrink, die voorsitter van die Cullinan Boere-unie.

AGRI-PULSE – NOORDWES – Die weeklikse opname van damvlakke van die Departement van Water en Sanitasie in Noordwes het in die afgelope weke ‘n afname in vlakke getoon – waarskynlik as gevolg van minder reën in die provinsie. Die vlakke van opgaardamme in die provinsie was verlede jaar hierdie tyd ietwat voller met 84.5% in vergelyking met die huidige 84%. Die departement het ‘n beroep op alle watergebruikers in die provinsie gedoen om voorlopig meer spaarsaam met water om te gaan. Volgens die jongste lesings, is die vlak van die Ngotwanedam vandeesweek tans 51.3% in vergelyking met 51.9% van verlede week.