AGRI-PULSE – LICHTENBURG – Baie mense het onlangs ontdek daar’s ‘n dorpie in die Noordwes met die naam van Biesiesvlei.
Dit was toe dié gemeenskap in die nuus was, maar vir ‘n klomp verkeerde redes. Biesiesvlei het middel-Julie nuusbulletins gehaal toe ‘n opgaarplek vir ou bande aan die brand geraak het.
Agri-Pulse se susterpublikasie, Noordwester, het toe berig oor die plek wat nie net vir ‘n geruime tyd reeds ‘n seeroog vir die gemeenskap is nie, maar ook ‘n veiligheids- en gesondheidrisiko vir mens en dier inhou.
Die opgaarplek, wat vier jaar gelede deur die Noordwes se Departement Bosbou, Visserye en Omgewingsake, begin is, is feitlik op die walle van die Groot-Hartsrivier. Die moeilikheid het begin toe ‘n veldbrand ontstaan het. Boere van die distrik het dadelik reageer, en het met hul brandbestrydingtoerusting die vuur probeer blus -maar weens die aard van die brand kon hulle nie veel utrig nie. Sterk winde het situasie vererger en die vlamme het vinnig versprei en die bandeopgaarplek was spoedig in vlamme.
Die Britse Wit of Groot Wit Kalkoen
AGRI-PULSE – RUSTENBURG - Die Britse Wit of Groot Wit Kalkoenras het sy oorsprong in Brittanje en word geklassifiseer as ‘n swaargewig kalkoen en word geteel vir die slag daarvan vir sy vleis.
‘n Volwasse mannetjie weeg tussen 12 tot 18kg en ‘n wyfie tussen 7 tot 10kg terwyl ‘n jong mannetjie (jonger as 12 maande) tussen 8 tot 13kg weeg en ‘n jong wyfie tussen 6 tot 8kg weeg. Die lyf is lank, diep en rond, die bors breed, vol, lank en reguit, het groot, sterk vlerke en die stert lank in vergelyking met die lyf. Die kop is lank en breed met ‘n sterk en effens krom bek, die nek buig na agter, die bene medium lengte en rond, dye lank en dik.
